ساهت ڏيهه جا سرجڻهار

ساهت ڏيهه جا سرجڻهار (ڪتاب): نئين ٽهيءَ جي ليکڪ رضوان گل جو هيءُ ڪتاب، اديبن، شاعرن، تاريخدانن، موسيقارن، مصورن ۽ ناليوارن شخصيتن جي پروفائيل ۽ خاڪن تي مشتمل آهي، جنهن جو مهاڳ نامياري ليکڪ ۽ سياح الطاف شيخ لکيو آهي. هن ڪتاب ۾ سنڌي ٻوليءَ، علم، ادب، ڏاهپ جي اهم ڪردارن: علامه آءِ. آءِ. قاضي، تنوير عباسي، پير حسام الدين راشدي، شيخ اياز، استاد بخاري، جمال ابڙي، ثميره زرين ۽ ٻين جا خاڪا شامل آهن. ڊيمي سائيز جي 128 صفحن تي مشتمل هي ڪتاب ڏاهپ پبليڪيشن، لاڙڪاڻي، 2011ع ۾ ڇپائي پڌرو ڪيو، جنهن جي قيمت 120 رپيا آهي.

ڪتاب - ڀاڱي جون ٻِيون داخلائون